Back الحي الصيني Arabic Çin qəsəbəsi Azerbaijani Barri xinès Catalan Dòng-ìng-gă̤ CDO گەڕەکی چینی CKB Chinatown Danish Chinatown German Chinatown English Ĉina kvartalo Esperanto Barrio chino Spanish
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El términu barriu chinu (唐人街 en chinu) o Chinatown (n'inglés) úsase, polo xeneral, pa denominar una zona urbana na que mora una gran cantidá de población d'orixe chinu dientro d'una sociedá non china, anque tamién s'utilizó pa describir zones onde viven un gran númberu de residentes d'orixe asiáticu, tales como vietnamites, xaponeses, y coreanos. Los barrios chinos son comunes nel Sureste Asiáticu y n'América del Norte, anque acaldía son más frecuentes tamién n'Europa y n'América Llatina.
Fora de la República Popular China, ye na ciudá de San Francisco (Estaos Xuníos) onde hai mayor concentración de chinos o los sos descendientes nel mundu.
El segundu llugar n'importancia numbérica ye'l barriu chinu de Lima (Perú), que s'atopa a la banda del Centru Históricu de Lima. Na mariña de Perú, y especialmente en Lima, pueden cuntase más d'un millón trescientos mil chinos o descendientes de chinos. [1] Dedíquense principalmente al comerciu minorista y a la xestión de restoranes de comida china fundida cola comida peruana, llamaos chifes, y son parte de la gastronomía peruana. Bien conocíu ye tamién el barriu chinu de Manhattan, en Nueva York (Estaos Xuníos).
En delles ciudaes d'España, el términu suel denotar una zona, barriu o distritu onde se concentren la prostitución o otros negocios rellacionaos cola industria del sexu, lo que n'otros llugares del mundu conozse como Barriu Colorado o Zona Colorada. Dellos exemplos d'esto son el Barriu Chinu de Salamanca y el Barriu Chinu de Barcelona, magar en Barcelona hubo una pequeña comunidá china nos años 30 del sieglu XX.[1]
- ↑ Xavier Ortells-Nicolau. «Chinos nel Barriu Chinu de Barcelona». Grupu d'Investigación ALTER (Universitat Oberta de Catalunya). Consultáu'l 4 de xineru de 2017.